حد شاف فيلم اوقات فراغ قبل كده ؟؟

حد شاف فيلم اوقات فراغ قبل كده ؟؟

بصراحه يمكن اكتر فيلم معرفتش احدد موقفى منو ... انو عاجبنى ولا لأ هو اوقات فراغ... ممكن يكون غريب شويه انى اكتب عن فيلم فى البلوج ده لان الفيلم بعيد كتيييييييييير عن الكلام الافش بتاع البلوج طبعا... بس بصراحه عندى احساس ان فى رابط مشترك مابين الفيلم والهدف بتاع حراس الحقيقه

ان شاء الله يبان لما اكلم اكتر

من الحجات اللى عجبتنى جدا فى الفي

1) ان الفيلم واقعى جدا جدا مبيكلمش فى افتكاسات ولا بتاع هو الشباب بتاع مصر كده او على الاقل اغلبهم كده ... ده واقعهم ... عايشين اليوم بيومو مظلومين من الحكومه والبطاله والتعليم والحوارات دى كلها وحاسين بالقهر والتجاهل وعدم الاهتمام ومستقبل ملوش معالم وحاضر بتنجان وحاله كرب اخر حااااجه

ولو الفيلم كان بيتكلم عن شباب روش مستهتر كله" سفاقه "عديها ولا اكنكم قريتو حاجه دى روح جدتى بتحوم فى المكان ولا مبالاه مكنش هيبقى منطقى بالمره

2) لما طارق صاحبهم مات عجبنى جدا الطريقه اللى مات بيها وازاى اصحابه ترجمو الموضوع ورجعو
تانى لله وفكرو بجديه شويه او جدا ولو كان حصل غير كده مكنش برده هيبقى منطقى

3) عجبى جدا جدا لما فضلو على حال الالتزام ده لحد ما حسو بالملل وكل يوم مورهمش حاجه يعملوها غير النادى والكومبيوتر وعمر خالد

وحبو يفكو شويه عن نفسهم وراحو يشيشو ... اللى عجبنى فى رقم تلاته ان لو الفيلم كان خلص على توبتهم والتزامهم كان هيبقى اكبر افتكاسه ممكن تتعمل لان المنطقى فعلا انهم يزهقو او يملو ماهو فعلا الفراغ اللى عندهم بقى فراغ اكتر واكتر بطلو كل الحجات اللى بيضيعو بيها وقت والصلا ه مش هى اللى هتسد الوقت الضايع ده

ويمكن هنا ده اللى اقصد بيه الرابط مابين اوقات فراغ وحراس الحقيقه ان الحقيقه .....نقصاهم حقيقه ديننا وجوهره, حقيقه واقعنا اللى هيفضل زى ماهو لو متحركناش صح, حقيقه الحقيقه ... حقيقه وجودنا

ولو هم عرفو الحقايق دى مكنش انتهى الفيلم على" بنلف فى دواير والدنيا تلف بينا دايما ننتهى لمترح ماابتدينا طيور العمر تايها فى عتمه المدينه بتدور"

اخر حاجه انا عارفه ان اللى كتبو الفيلم واللى اخرجوه واللى مثلوه طبعا مش قاصدين اى حاجه من الكلام ده هم قالو واقع والسلام بس القضيه حقيقه الواقع ده ايه؟؟؟؟

الاغنيه الرائعه الكئيبه .... دواير

http://www.7ammil.com/download.php?id=1VUQ55B0LG