لو لم اكن مصريه لوددت ان اكون اى حاجه الا امريكيه

امريكا

بعبع ومنافس وعدو وصديق ...

بلد الحريه والاستقلال والعلم والتطور والشجاعه والجأش والعدل والمساواه

بلد رقم واحد

بلد مثاليه

بس برده لو ادونى مليون جنيه مش هسافر اشتغل فيها

ولا فى اى بلد بره الوطن العربى

ولا فى اى بلد بره مصر

ليه؟

هقولكو ليه؟

هى ايه الحريه؟؟؟ انك تكون على دين ابيك ولا انك تختار دينك

انك تتبع مذهب اتربيت عليه ولا انك تختار مذهبك؟

طيب فين العدل ؟؟؟؟ انك تحاكم المجرم لمجرد انو مجرم ؟ ولا انك تحاكمه باللى يستحقه ؟

طيب هى ايه الشجاعه ؟ انك تكون كالثور الهايج تطيح فى خلق الله ؟ ولا انك بس بتدافع عن حقك والحق عموما؟

ومين الاعلم ؟ اللى بيسال ورا اللى بيشوفو ويسمعو ايه ؟ ولا اللى بيصدق كل اللى بيشوفو ويسمعو ؟

طيب فين الاسقلال ؟ انك تكون اقوى من نفسك وفيش اى حاجه دنيويه تكون اقوى منك ؟ ولا ان كل الحجات الدنيويه هى اللى بتحركك وهى اللى محتله الجزء الاكبر من تفكير الانسان وتصبح حق واجب القضاء من غير نظام من غير قوانين ؟

الاميركان او اى حد فى اوربا عموما وكان نفسى اقول على عكس العرب بس مش هو ده موضوعنا... مختلط عليهم الامور كلها

الحريه هى التحرر من القوانين والقيود الشكليه على اساس انها فى الغالب بتقف ضد حق البشر فى المتطلبات البشريه

العدل هو العقاب والبطش باى كان النتيجه بلا رحمه فى اوقات وبلا عقوبه فى اوقات تانيه زى مكثلا السجن مدى الحياه لواحد فى العشرين

او الاعدام بالكهرباء... او بالحقن

عقوبه وقصاص ولا تعذيب؟

وبيقولو على القساس انه تخلف ؟؟؟؟؟

الشجاعه انى مخفش الموت وانى اكون بطل ؟ ومش مهم فى اى جانب بنتمى

ومش مصدقنى

شوفوا فيلم Troy

بطل سفاح... اسطوره مجرم ... بطل فى صف المعتدين

والافلام اللى بتتكلم على حرب فيتنام , هيروشيما, وحرب الخليج

ابطال لانهم سمعوا التعليمات وراحو حربوا ودافعوا عن بعض وانتصروا هنا وهناك

بس فى جانب مين ؟

ومستقبلا شوفو الافلام اللى بتتكلم عن شجاعه الابطال الامريكان فى العراق وعدلهم وعلمهم فى بلاد الظلم والارهاب والتخلف

فى ناس لما بتسمع ان فيلم bat man هو الفيلم رقم واحد فى امريكا بيضحكوا ان ايه التخلف ده؟

بس بصراحه ده مش تخلف ولا حاجه دى ترجمه واقعيه جدا عن الراى العام فى امريكا

هم عايزين منجدين ينجدوهم من الخوف اللى مسيطر عليهم بعد 11 سبتمبر وعامتا الخوف من الارهاب والحروب اللى مليا العالم

مساكين معندهمش الله... معندهمش رسول الله ... فمتوقعين ان اى حد يكون عنده قوه خارقه زى بات مان وسبيدرمان عشان يحققلهم النصر ده

عشان يحققلهم السلام ويقتادوا بيه

...العلم عندهم كله من مستندات محرفه مش قصدى التوراه

بس قصدى التليفزيون

اتفرجوا على ww3

Independence Day

The sign

The core

Malcolm x

Exorcist the beginning

وقولولى لو انتوا امريكان وعمركوا ما شفتوا العرب وسمعتوا ان سنه 40 كنا لسه بنركب الناقه

وان القواد العرب متكبرين ومتعجرفين ومعندهمش اى روح فريق عمل وانهم جهله مديين دنيويين

والدليل على الكلام ده ؟

اننا فى بلاد العالم التالت

كنت هتقول ايه؟

على الرغم من ان كل دى اسباب كافيه و مستفزه انى مرحش بلد غير بلدى بلد بصالنا من عندها مش من عندنا

بلد متخلفه جدا او فى طريقها للتخلف

بلد رقم واحد صحيح بس فى طريقها تكون
رقم صفر

الا ان مش دى الاسباب اللى مخليانى مصره على مصر

السبب الحقيقى؟؟؟؟

هو الاجابه عن ليه ؟

ليه الافلام النشرات الاخباريه والتمسليات والبرامج بقت مزيفه وبتظهر غير الحق والعدل؟

ليه هم شايفين الحريه من منظور الاستعباد عندنا

الحريه عندهم استعباد عندنا؟

ليه هم وهمين نفسهم بالبطوله وهمين نفسهم بانهزاميتنا؟

او بالاصح ليه واخدينا اعداء؟

يكفى انى اقول يهودى صهيونى عشان المعنى يوضح

امريكا ليست الا الملك فى الشطرنج وفرنسا والمانيا وروسيا وانجلترا

الطابيه والفيل والحصان والوزير

وبقيت الدول وخصوصا العرب العساكر المساكين اللى دايما بيتكلو فى الاول

اما اليهود فهو اللاعب والمنافس فى نفس الوقت

هم مش اليهود برده هم اللى قالو انهم هيهجمونا بالمخدرات والعرى والمال والجاه ؟

مش هما اللى قالو هيستعبدونا بيهم ؟

مش هما اللى نادوا بالاحتلال الاقتصادى والفكرى؟

مش هما اللى نادوا بالحروب اللى بتضعف الامم وبتلهيهم عن مخططهم الاصلى ؟

مش هما اللى قالو عندهم استعداد يضحو ببعض من شعبهم من اجل الغايه دى؟

مش مصدقنى اقرو التوراه , و بدأ العد لتنازلى لمصطفى محمود وبروتكول حكماء صهيون

مش هما اللى قالو ان افضل سلاح يواجهونا بيه هو الاعلام؟

وبالاعلام ابتدى تسميم الافكار

ابتدوا يرسموا صوره معينه للعرب فى دماغ الغرب سواء فى الافلام سواء فى البرامج سواء فى المجلات والجرايد

صوره الجهله اللى ميتخفش منهم اللى يخلى كل الحق للغرب انهم يستعبدونا ويستخدمونا لاننا عاله على البشريه ومن الافضل انهم ينضفونا

طيب ... لو مش هما تفسروا بايه ان اغلب مخرجيين هولييود يهود... والمخرج العظيم الله يرحموا مصطفى العقاد صاحب فيلم الرساله و عمر المختار

لما محمود سعد استضافه قبل لما يموت سأله ليه ميعملش فيلم اجنبى بيتكلم حلو على الاسلام والعرب

رد وقال عشان هولييود كلها يهود ومينفعش يتعمل فيلم بيتكلم على العرب غير لما يحطوا عليه بصمتهم

وشوفوا فيلم kingdom of heaven

هل المعلومات اللى فى الفيلم ده صحيحه

دى اسرائيل اللاعب

اما اسرائيل المنافس

فهى احنا .... للاسف احنا

هى رد فعلنا لاستفزازهم

رد فعلنا اللى رسمينوا ومخططينله بالمسطره والقلم

عايزنا نصرخ ونقول اننا مش ارهابيين واننا مسالمين

عايزنا نصرخ ونقول ان دينا دين سلام وشكرا

عايزنا نتوه فى غابه من الايمانيات والروحانيات

عايزنا نحاربهم بالدم ليس الا

عندهم استعداد يضحو بدمهم فى سبيل انهم يلهونا

يلهونا ان الحل اننا نشتغل

عايزنا نرمى المسؤليه على الحكومه لان الحكومه هى اللى بتحرك الجيش

وننسى اننا مسؤلين لان مفيش فى العالم بلد الحكومه بتعمل فيها كل حاجه

هى الحكومه الاسرائليه بتدى تعليمات لمخرجين هوليود انهم يشوهوا صوره المسلمين والعرب وخصوصا مصر؟

بتديهم تعليمات انهم يتبرعوا بفلوس لمواجه مقاومه حسن نصرالله؟ زى اللى حصل من مخرج فيلم click

بالمناسبه حتى فيلم كليك جايب فيه العربى الخليجى انه انسان مغرور متعال عنده الف خادم وغبى جدا ومبيفهمش وانه لازم يتاخد على اد عقله المسكين

من كام يوم كنت بتفرج على mbc4

برنامج امريكى بيتكلم عمتا على السياسه والاجتماعيات

كان فى البرنامج بيتكلم على اطفال فلسطين وازاى عايشين والكلام ده

فجابوا برنامج اطفال طفله فلسيطينيه بتقدمه وجابوا الكلام اللى بتقوله فى المقدمه

اننا الاطفال الفلسطنين بنحب وطنا وفى يوم من الايام هنحرر وطنا من المحتلين ونحرر العراق من المعتدين ان شاء الله

جمله فى وسط الكلام بتعبر عن حبهم لوطنهم

المهم كان التعليق على الجمله دى ان ازاى يكون هو ده التفكير بتاع الاطفال , ازاى يصحوا الصبح اول حاجه يسمعوها تكونكلام عن حرب ؟ ده التفكير اللى بحولهم للارهابيين وبيرسملهم صوره اننا اعداء

والاسخم من كده كوهينى طلع فى البرنامج بيتكلم بكل مسكنه ورقه ان ليه الفلسطنيين شايفنا محتلين

ليه مفيش رقابه على البرامج دى اننا عايزين سلام وهم برده شايفنا محتلين

واللى يغيظ بقى انى لو كنت فى امريكا وعمرى ما شفت العرب كنت هقتنع جدا باللى بقولوه

لانهم بيتكلمو صح كلام مقنع جدا... اسرائيل بلد مسالمه والفلسطنيين بعد كام سنه هيبقو هم المعتدين

اللى عايزه اقوله ان وسط كل الكلام ده مفيش غير حل واحد اننا نتحرر منهم

نتحرر من عقده الخواجه, نتحرر اقتصاديا , نتحرر ثقافيا ايمانيا انتمائيا

نشتغل ونشتغل ونشتغل لان هو ده الحل الوحيد اللى هيوصلنا لاننا نكون منافسين كفئ نقدر نغلبهم

الشغل والسعى هو اللى هيوحد صفوفنا ويخلينا ننتمى

ومنقولش نعمل ايه لان نبينا جاوب وقال كل منكم على ثغره

فالحل تحت رجلينا فى المكان اللى ربنا اختارنا فيه فى الحاجه اللى تقدر تعملها فى المكان اللى انت واقف فيه

ولو قلنا الحكومه هقول عشان نوحد الحكومه لازم نتوحد احنا , لازم كلمتنا تبقى واحده , هدفنا واحد, مبغانا واحد

وعشان كده لا يمكن اسافر اشتغل عند حد المفروض انى بشتغل ضده

مينفعش اشتغل للحريه وانا بشغل للاحتلال

ولو مش قصدى اشتغل مع الاحتلال

فى الوقت ده اللى مبيقلش لأه .... بيقول ااااااااااه

واسرائيل عايزه اللى يقول لا وفعلا يشتغل عكس ما هى عايزه

واللى عايزه اقوله برده ... انى متفائله جدا ... لسبب بسيط لان اكبر نقطه ضعف فى مجال المنافسه انك تستهون بالمنافس اللى قدامك

وهم معتمدين اننا عمرنا ما هنفوق من الاعيبهم ونفضل نقول اه مدى الحياه ... وبالتالى بيتوهوا شعوبهم عن حقيقتنا حقيقه مجدنا وعزتنا وتاريخنا , بيتوهوهم وهم واثقين ان هو ده الحل الامثل

بس فى رايى لو احنا فرد فرد ابتدينا نشتغل صح ونقول اللى المفروض واللى عايزين نقوله نقوله مش اللى عايزين يسمعوه, وابتدينا نحط اهداف فرديه او اجماعيه وسعينا ليها صح , بعد كام سنه هنكون حصان طرواده اللى مش عاملين حسابه

ومش قصدى بالكلام ده السياسه.... لان الخطوه دى هى الاهم من السياسه .... هى اللى بتودى لحريه السياسه

قصدى التقدم والنهضه

لو سمحتوا .... اى حد يقرأ الكلام ده ومش مقتنع بيه ممكن يسيب كومنت يقول مش مقتنع ليه ؟ عشان اختلاف الاراء دايما بيولد راى تالت وبيكون فى الغالب الاصح... وهو ده الغرض