ماذا لو اصبح الصمت هو الكلمه الوحيده الواضحه والمسموعه فى العالم
ماذا سيحدث ؟
تخيلوا كده معايا .... عامل بيروح الصبح المصنع او المكتب , يشتغل ويشتغل ويشتغل وهو ساكت يرجع البيت وهو ساكت ويعيش حياتوا عادى جدا وهو ساكت ... ويعيد نفس الموال تانى يوم
مدير المصنع او الشركه نفس الحكايه ... بيشتغل فى صمت , لا حس ولا خبر ... لا بيشتكى ولا بيشكر ولا اى نفس
والمدارس بمدرسينها وتلاميذها ... مبيتعلموش غير القرايه والكتابه وشويه علم من غير تاريخ ولا سياسه ولا مشاكل ولا اى حاجه
والناس فى الشارع ساكتين مش حاسين باى مشاكل سواء موجوده او لا
ورئيس الجمهوريه برده ساكت بينطقش مبيسعاش لحاجه خير او شر ... بيشوف مصالح بلده اللى شعبها مبيشتكيش ومبيطلبش حاجه غير اللى موجود وشكرا
والوطن العربى كله كده
مفيش غير صوت الالات والعربيات فى الشارع ... مفيش لغه ولا لهجه للتفاهم ... كل واحد عارف دوره فى الحياه بيعمله وبيروح
اكننا الات متحركه ليس الا
حد تانى بيحركنا وبيشغلنا
اما الغرب ؟؟؟؟ .... فعلى العكس تماما
هم اللى ظبطوا ادوارنا لسبب محدش يعرفه
هم اللى خططوا لنفسهم ولينا لسبب محدش يعرفه
تفتكر ايه السبب ده ؟
ايه اللى هيحصل لو سكتنا ؟
وايه اللى هيحصل لو اتكلمنا؟
يترى ايه اللى هيتغير ؟
ايه كان موجود هنفقده؟
وايه مكنش موجود هنلاقيه ؟
ايه اهميه صوتنا ... لو الكلام سلاح ؟ امتى نستخدمه فى وش عدونا وامتى نستخدمه فى وشنا ؟
على فكره البوست ده مش قصدى بيه اى تلميحات لاى حاجه معينه...يعنى مش قصدى اجتمعايات فقط , ولا سياسات فقط , مجرد أسئله جت على بالى وعايزه اعرف الناس ممكن تفكر ازاى وتجاوب ازاى لو سألت نفسها نفس الأسئله
عسى اننا نفيد ونستفيد جميعا
67 شارك بصوتك ..شارك برأيك .. البلوج بلوجك:
أستاذة ياسمين
:)
طبعاً سؤال غريب
حيث أن أجابة سؤال عن الصمت حتماً سيكون بكلام
انا تخيلت الموضوع كأن بنا نزع العلم منا
وأنتفض الجهلاء "فقط" ليتكلموا
وأثر العلماء الصمت
وبقينا داخلين في حيطة
تخييلتنا بناءاً عالي
عالي جداً
وهش
ومن بناه يدور حوله
يضع يده علي أفواه الناس ليسكتهم
خوفاً ان يسقط صوت أنفاسهم هذا البناء الهش
تخيلت المشاعر جمعها جامعوا القمامة في جعباتهم
ونقلوها بعيداً
ولم يعد هناك سبباً للكلام
ممممم ئيه الهدوء ده .. انا كنت هنام :D
هي اسئله كلها غريبة مش سؤال واحد :)
ربنا خلقنا نعرف نتكلم ونعبر ونقول رآينها
دي من نعم الله على الانسان ..
فقط تذكرت هذا الحديث :)
عن أبى هريرة رضي الله عنه قال: قال رسول الله صلى الله عليه وسلم: "من كان يؤمن بالله واليوم الآخر فليقل خيراً أو ليصمت
نشوف الخير ده عبارة عن ئيه :) تغير منكر نتكلم
امر بالمعروف .. نتكلم
دفاع عن حق .. نتكلم
النصيحة للغير .. نتكلم
اذا صمتنا واسكتنا :)
هايحصل عكس ئلي كنا بندفعه بالكلام
اذا صمتنا . المنكر هايجلنا اخطاء الغير هاتيجي علينا والظلم هايطولنا..
اما امتى بئه نستخدم صوت السلاح :)
لما الكلام بيكون مش جايب نتيجة ولا السكوت :)
وشكرا جزيلا على الاسئلة الغريبة وان كان ليها معاني كتير :)
bino
شكرا جزيلا على التصور ده
وعجبنى ربط الصمت بالبناء العالى الهش... معنى جميل مجاش فى بالى
هو معنى كده ان الكلام بيخلى البناء متين صح ؟
جزاكم الله خيرا
فن الحياة
طب كنت هتنام وانت بتقرا ... امال لو كتبت البوست وانت اصلا عايز تنام خلقه كنت هتعمل ايه ؟؟؟ :D
اذا صمتنا . المنكر هايجلنا اخطاء الغير هاتيجي علينا والظلم هايطولنا..
معاك جدا فى اللى قلته
جزاكم الله خيرا
اولا احب احييكي على طريقة عرضك
تانيا بقى نيجي للأسئلة و اجابتها
ايه اللي ممكن يحصل لو اتكلمنا حاجو بسيطة جدا هيحاولوا يخرونا بس لكن لو صممنا ممكن نعمل حاجة
طب لو سكتنا ولا حاجة بردو هناخد على دماغنا كالعادة
طب امتى يكون الكلام في صالحنا؟ لما نتكلم كلام مفيد
طب امتى يكون ضدنا؟ لما نتكلم في تفاهات كما هو الحال الآن او نتدور على نفسنا و نقطع في بعض زي ما بيحصل دلوقتي بردو
اتمنى اكون عرفت اجاوب
النتجة امتى؟
:D
بالنسبة لينا كا مصرين ادعاء الصمت خطيئتنا المفضله
كله بيدعي انه ساكت وهو مش ساكت انه جمب الحيط وهو بيكلم في كل حاجة
انما مش بيكلم في الوقت الصح في المكان الصح علي طول لو اكلم يكلم في الظل
بما اني عاشق للهدوء فممكن يعجبني العالم دا لايام وبعدها هجده عالم ميت ألات فقط
لازم يكون في كلام وفي دوشة
اما مين اللي بيكلم ومين اللي بيسكت
مفش كل الناس بينطقها لسنها البعض لا ينطقه الا مكانة
فيحرص علي المكان اللي يخليق يقدر ينطق فعلاً
بالمكان لا الأمكان علي راي عمنا شوقي
الروئية دي جميلة يا ياسمين
تدوينة تعدو للتأمل فعلاً
كان فى كلمة انا بقولها
الصمت أحيانا يتكلم
بس مش فى المواقف اللى انتى ذكرتيها خالص
عمره ما هيتكلم ولا هنسمعله حس
ده معناه ان مافيش ابداء رأى .. يعنى ما فيش تطور يعنى
تخلف
تخلف
تخلف
وعوده للوراء
تحياتى
NEO
اهلا بيكى فى المدونه
وحلوه اجاباتك جدا
اجابات مخلصه وجايبه من الاخر
وبلاش سيرت النتيجه امتى عشان عندى حساسيه منها لوسمحتى :D
MOHAMED
ادعاء الصمت ؟؟؟
بجد بجد ده رأيى برده ... اننا بنقول مبنتكلمش واحنا مبنعملش اى حاجه غير الكلام والبرامج فى التليفزيون والجرايد يشهدوا على كده
وبجد تعليقك عاجبنى جدا
جزاكم الله خيرا
ياسر سليم
الصمت احيانا يتكلم
حلو جدا المعنى
و نتيجه الصمت التخلف؟
معاك فى كده
شكرا جزيلا على المتابعه وعلى تعليقك
قرأت كلمة مرة على مدونة عجبتني
أحيانا يجبرك الصمت على الكلام....فيجبرك الكلام على الصمت:
يمكن ده هو الحال ياياسمين ..
يمكن..!!
اكييييييد
هنتكلم لما نكون عوزين نتكلم .. وهنسكت لما نكون عوزين نسكت ..
وبين السكوت والكلام .. لقمه العيش
وجزاكى الله خير
كبير قوى موضوع الصمت دة
انا افضل الصمت فى كثير من الأحيان
بل فى اغلب الأحيان
الكلام فائدته مش كبيرة إلا فى ذكر الله
أما الصمت ففضله عظيم عظيم فى الإسلام وورد فيه الكثير من الأحاديث النبوية
فالكلام من الممكن ايضا ان تحسبه فى ذكر الله وهو فى مفسده وهذا عند الغالبية مننا ... يريد ان يأمر بالمعروف وينهى عن المنكر فينهى عن معروف لأنه محرم فى مذهبه ولجهله لا يعلم انه جائز فى المذهب الأخر ... فيكون قد اذنب بكلمته هذه دون ان يدرى
ومما قيل فى الصمت :
(إنما لسانى سبع , إن ارسلته خفت أن يأكلنى )
فرأيي ان على قد ما أقدر اصمت اصمت
ولا أتكلم إلا فى الخير وفى الخيرالضرورى قوى وإللى انا متأكد انه خير
موضوعك جميل قوى قوى
جزاكى الله خيرا عليه :)
الكلام مهم جدا .. والدليل انك لما جيتى تعرضى موضوع الصمت .. كتبتى عنه وبالتالى اتكلمتى عنه .. وبالتالى استحالة استبدال الصمت بالكلام أو العكس .. فلكل منهما موضعه الخاص ..
لكل مقام مقال
زي ما بيقول أخونا طالب اخواني
يعني كل من الصمت والكلام له مكانه الخاص ووقته .. لكن دلوقتي مش وقت السكوت ابداااااااااا
وبعدين ماينفعش نسكت ! نسكت ازاي يعني .. دا حتى الواحد يجراله حاجة في مخه بجد!!! أصل دي نعمة ربنا وهيا كدا
ماينفعش نسكت عل طوول ولا نتكلم على طوووول .. مش عارفة انا اصلا حاسة الاسئلة غريبة جدا
بس ليها دلالة عميقة يمكن انا مش قادرة اوصلها إلى الان؟
علي فكرة الصمت احيانا ليه فايدة كبيرة جدا
عارفة هي ايه
واحد مرة كتبلي تعليق علي تدوينة كنت كاتب فيها حلم قالي
اكتم واعمل لها في صمت
يعني يسكتونا مش مشكلة ممكن نسكت ونخطط ازاي نطيح بيهم كلهم عشان يعرفوا ان الصمت ليه ضرر كبير عليهم اكبر من لو سابونا نتكلم
تحياتي من
ارض الحرب
الي اولئك الذين المهم صور اقتتال الاخوة الاشقاء في فلسطين
الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها
الي كل من انجر وراء حملة التضليل الاعلامي التي ساقوها علينا
الي كل ساع الي الحقيقة
الي كل هؤلاء اهدي
التبيان في اقتتال الاخوان
تجدونه فقط
في
ارض الحرب
الحقيقة أنا مش معاكي بالمرة
الحقيقة أنتي عكستى الآيه تماماً
نحن لانملك إلا الكلام فقط
على مستوى الفرد بيتكلم مع نفسه
وعلى مستوى الأسرة كلها بتتكلم
وعلى مستوى الشارع كل بيتكلم وأصوات البشر اعلى من أبواق السيارات
وعلى مستوى الفصل والمدرسة كله عمال يتكلم ونازل دش
وعلى مستوى العمل الموظفين ما بتعملش حاجه غير الكلام
وعلى مستوى الحكومة الحكومة ماحيلتهاش غير الكلام والوعود
والشعب كله صاحي يتكلم نايم يتكلم طالع يتكلم نازل يتكلم
والمصية دلوقتي إن الكلام بفلوس
والشعب عمال يُكع من كيعانه عشان يتكلم وفرحان بالكلام
والعملية مش ناقصة ودخلت شركة تالته تسخن في الكلام عشان اللي مابيتكلمش ده لو في حد تخليه يتكلم
وتقدري تراجعي المجلات الاقتصادية وتعرفي دلوقتي المليارات اللي ضايعها في الهوى بسب لعنة الكلام مليارات عمال يكُعها الشعب ويضيعها في الكلام بدل ما كان يضيعها في مشاريع
المهم البلد كليها بتتكلم وكل الدول اللي جنبنا بتتكلم
حتى الدول العظمى مابتعملش حاجه معانا غير الكلام والوعود
وبالتالي فافتراضية سؤالك للأسف إفتراضية خاطئة
شكراً
همسة قلم
اهلا بيكى فى المدونه منوراها
واحيانا يجبرك الصمت على الكلام والكلام على الصمت ؟؟
معنى جميل جدا الله يباركلك
انا اعتقد ان احنا لو سكتنا ممكن نموت
لانك انتي عارفة ان العرب ليس الا ظاهرة صوتية
تخيلي بقى حتى الصوت....اتحرمنا منه
دي تبقى مشكلة
بس في ميزة كمان وهي اننا هنبطل اغاني وفيديو كليب ودي في حد ذاتها ميزة كبيرة جدا
تحياتي واحتراماتي
....
هتبقي الدنيا من غير تعليق
زي تعليقي الاول
أو هيبقي تعليق ملوش لازمه
زي تعليقي التاني
ياياسمين
العامل في المصنع
محتاج حد يقله برفو كمل
او حتي لا مش كدا دي كدا
الطالب محتاج المعلم
ياتر فيه بكلماته
اللي بتعبر عن خبراته في الحياه
والزوجه والزوج
محتاجين يحتوي بعض
وبردك بالكلام
والصديق
محتاج صديق يتشاور معاه
والسياسي
قال فيه عمر بن الخطاب
متسائلا فيما معناه
لو املت راسي هكذا ماذا ستفعلون؟
فقام واحد من الناس وقال اطحناها بالسيف هكذا
فقال له بن الخطاب أعد علي ماقلت
فقال لو أملت راسك هكذا أطحناها يالسيف هكذا
فقال العمر الحمد لله الذي جعل في امتي من يعدل أعوجاج عمر
والسكوت سكون وهوان
في كل هذه الاحوال
هيحصل الاتى :
1- امريكا و اتباعها تغضب علينا
2- الله يرضى عنا بإذنه
3- بعد الكلام يبدأ التنفيذ
4- رد الفعل الامريكى
5- المواجهة
6- حاجة من اتنين إما نصر او شهادة و كلاهما حلو
mohamed
بين السكوت والكلام لقمه العيش
معنى كده ان الواحد بيتكلم عشان يجرى ورا رزقه ؟
ارجو التوضيح
واهلا بيك فى المدونه
سليم
اهلا بيك تانى
اول واحد يشكر فى الصمت اكتر من الكلام
خيــــر
جزاكم الله خيرا على الاضافات المفيده بتاعت كل تعليق
طالب اخوانى
اهلا بيك فى المدونه
وفعلا معاك جدا ان لكل من الصمت والكلام دور ميغنيش الاول عن التانى او العكس
بس السؤال ... هيحصل ايه لو سكتنا ومكنش فيه اصلا كلام
جزاكم الله خيرا وان شاء الله نشوفك تانى
نور
اهلا بيكى فى المدونه ... منوره
وشكرا على الاضافه
وفعلا فيه دلاله
يارب اعرف اوضحلك
لو الحياه زى ماهى دلوقتى الغرب فضلوا يخططوا وينجزوا فى خططهم واحنا بطلنا نستخدم السلاح الوحيد اللى معانا وهو الكلام
تفتكرى هيبقى الوضع ايه بعد كام سنه
هيبقى شكلنا ايه ؟
يارب يكون المدلول وصل
وجزاكم الله خيرا
عمرو المصرى
اهلا بيك فى المدونه
بصراحه ... حوار اكتم واعمل فى صمت ده مبداى عشان التركيز لان الكلام الكتير بيشتت
بس السؤال
المعروف ان الوطن العربى الحاجه الوحيده اللى بيعملها هو الكلام فياترى لو سكت الوطن العربى هيبقى شكلنا ايه بعد كام سنه هنتساق لفين؟
جزاكم الله خيرا
حسن ارابيسك
تماما هو ده اللى بقوله بالحرف
وهو ده اللى شيفاه ... بس اللى مش لقياله اجابه
هيحصل ايه لو سكتنا هنروح لفين لو فضلوا هم يتكلموا واحنا سكتنا؟
جزاكم الله خيرا
a.samir
معاك جدا ان لو سكتنا هنموت مفقوعين او منقوطين كل واحد وحالته النفسيه بقى
ووالله اجابه صارمه ... هنموت يعنى مفيش حاجه هيخططولها ولا يرتبولها
محنا هننقرض خلاص
تحياتى واحتراماتى
ونورت المدونه
بالله المستعان
دايما باجى عند تعليقك واتنح شويه لحد ما الاقى حاجه اعرف ارد بيها... وفى الغالب مبلاقيش
جزاكم الله خيرا يا صديقتى
وعلى فكره صديقتى دى ليه معنى كبير جدا عندى ... ها ؟
خطاب
ياااااه امريكا هتغضب علينا
افهم من كده ان فاهم انها عايزانا نتكلم عشان نتلهى شويه بكلامنا لحد ما تشتغل هى؟
يا رب يكون اللى فهمته صح
تانى حاجه ازاى هيكون فيه نصر واحنا صامتون لا لغه عندنا حتى للتخطيط ؟
جزاكم الله خيرا
فكرة برده تنفع فيلم بس المشكلة ان مصر بتتوجه نحو المرحلة دي خطوة بخطوةيعني اتوقع سنة 2090 في فترة حكم ثانية للسيد الرئيس تامرجمال محمد حسني مبارك
سيوافق مجلس الشعب على مشروع قرار لجعل الصمت هو اللغة الرسمية
و يتم اضافة المادة للدستور
اعتقد ان نسبة الوفيات هتتضاعف عشر مرات
لان الناس هتنفجر
و السجون هتتملي بالمتمردين اللي لسه بيتكلموا و نجوا من تطعيم قطع اللسان اللي بيمر بيه كل طفل صغير
و هتلاقي حركات الخرس هتزيد
و هتلاقي مدارس الصم و البكم قفلت
لان الشعب كله بكم
و خطاب الرئيس هيبقى بالاشارت
ساعتها هنكون احنا عند رب كريم و في ناس هنا مخروسة على عينها زي حالاتنا كده و بيقولوا خدنا يارب عندك احسن
تحياتي :)
علاء
ههههههههههه
حلو تعليقك جدا تامر جمال محمد حسنى مبارك؟؟؟؟؟؟؟؟؟
مااااااشى
جزاكم الله خيرا
مممممممم
تقدري تقولي ان مفيش حاجه هتفرق كتير
لأن احنا ساكتين دلوقتي
ممكن نكون بنضحك بس
مش بنتكلم خالص
أما لو اتكلمنا فعلا
الوضع أكيد هيتغير
على الاقل لو فكرنا بصوت عالي
ممكن نحقق حاجه
سلام
عبد الرحمن عياش
اهلا بيك فى المدونه
وشكرا على تعليقك
افهم منك ان دلوقتى كلامنا زى سكوتنا ؟
الله اعلم مين يعرف
شكرا جزيلا وجزاكم الله خيرا على الاضافه
وانا كل ماجي بلوجك اتنح بردك
واضح ان في تشابه بينا
ياسلام ياسلام
وانتي كمان صحبتي
ياأجمل ياسمين
بس اوعي تقوليلي مانا عارفه
:D
راي علاء تحفه
جاااااااااامد
اووووووووي
أجيد الصمت لفترات طولة لو اضطررت وأكرهه في حالة الاختيار
مررت بتجربة كنت أصمت خلالها من 5 مساء وحتى 8 صباحا يوميا إلا من الذكر وحديث النسف لمدة
لمدة 30 يوما
بس قلبت اكتئاب
الكلام لغة التواصل وترتبط به عبادات بعضها واجب وبعضها مستحب
بل ومنها ما هو جهاد
عصفور المدينه
اكيد صمت 30 يوم يقلب باكتئاب
الحمد لله انهم مكنوش اكتر
ومعاك جدا فى ان احيانا يكون الكلام جهاد
بس السؤال هيحصل ايه لو بطلنا نجاهد بكلامنا ؟
هنوصل لفين بعد كام سنه؟
تتصور ايه؟
جزاكم الله خيرا
وصل قصدك يا جميل
ومش الكلام لوحد هيعمل حاجة ..
كلام وعملللللل عمل عمل ..ونية صادقة علشان العمل دا يحقق الفايدة المرجوة منه..
تحياتي لكِ
والله الصمت ده يموتنى
حتى تلاقى حضرتك مدونتى اسمها هتكلم وهقول
يعنى مش ينفع باى حال من الاحوان انى اسكت او اصمت
لكن لو تخيلت حاجة زى كده .. هلاقى ان العرب بقوا اصنام او احجار
والغرب بيحركهم
ولا دوول فاهمين هما بيعملوا ايه ..ولا دوول حاسين بيتعمل فيهم ايه
" كمثل الحمار يحمل اسفارا " بالظبط كده
مقال جميل
يحتوى على سؤال اجمل
اترك اجابته
للتاريخ وللزمن
تحياتي
نور
طيب الحمد لله انه وصل
تحياتى ليكى
بن توفيق
اهلا بيك فى المدونه ... منور
كمثل الحمار يحمل اسفارا ؟ معنى جميل متخيلاه تماما
جزاكم الله خيرا
صاحب البوابه
اهلا بيك فى المدونه
وشكرا على المجامله يا فندم
جزاكم الله خيرا
من كان يؤمن بالله واليوم الآخر فليقل خيراً أو ليصمت
arabian girl
جزاكم الله خيرا على تعليقك
السلام عليكم
أختي الكريمة ياسمين
سعدت كثيراً بدعوتك
جزاكم الله خيراً
و عن موضوع التدوينة
أعتقد أننا لا نجيد إلا الكلام أصلاً ، بينما لا يجيد أحداً الفعل
الجميع يتكلم
الناس في البيوت
الموظفون في الشركات
العمال في المصانع
الركاب في المواصلات
الأحزاب
الصحف
القنوات الفضائية
كل الناس تتكلم ، و كل الناس تجيد الكلام الرنان
و لكن من يتحرك ؟؟؟؟؟؟؟؟؟؟؟؟؟
من يفعل شيئاً ؟؟؟؟؟؟؟؟؟؟؟؟؟؟؟
من يبني و يصلح ؟؟؟؟؟؟؟؟؟؟؟؟؟؟
أرى أننا لابد و أن نتوقف عن الكلام و نبدأ في التحرك
لا أقصد أن التعبير عن أنفسنا خطيئة و لابد التوقف عنها
و بالطبع أتفق مع الجميع في أهمية الكلمة و الكلام
و لكن أرى أننا تكلمنا كثيراً جداً جداً جداً
ألم يأن الأوان كي نتحرك بعد كل ما قلناه ؟؟
dr cool
انا اللى اسعد والله بانك جيت وعلقت
جزاكم الله خيرا
وان الاوان اننا نعمل ... ومعاك حق فى كل كلمه قلتها على الاقل من وجهت نظرى
شكرا جدا وان شاء الله نشوفك تانى فى المدونه
dr. cool صحيح
تصورك العالم هيبقى ايه بعد كام سنه من الصمت ؟
الصمت .. الصمت لغة رائعة .. الصمت هو ما أحب .. أحب دوما تعبير "خيم الصمت على المكان"
بالطبع أفضل الصمت والهدوء على الكلام والصخب ..
لكن (ولكن كبيرة أيضا)
أحيانا يكون الصمت جبنا ، خرسا أحمق ، تصرفا خاطئا
الموقف هو ما يقرر هوية الصمت ونوعه ..
تدوينة جميلة يا ياسمين
بالمناسبة كمان .. اسم مدونتي كلمة وواقفة في الزور .. وأنا كده فعلا .. أفضل الصمت والتأمل والهدوء حتى يأتي مشهد أو موقف أو فكرة تدفع بالكلمة من صدري فتعلق في حلقي (الضيق عادة لقلة كلامي) فتكون كلمة وواقفة في الزور
وبتطلع في الآخر :)
maha
شكرا جزيلا على اهتمامك بالتدوينه
واهلا بيكى فى المدونه ... منوره
ومعاكى جدا ان الصمت لغه معبره
واكيد اللى يبقى كلامه واقف فى الزور ولازم يطلع ده يبقى من اهميه الكلمه اللى عايز يقولها
جزاكى الله كل خير على الاضافه الجميله دى
بس يا مها ايه تصورك على نتايج الصمت ؟؟؟
عندك اجابه ؟
ياسمين
هو احنا ليه مينفعش نعلق فى البلوج التانى بتاعك ؟؟؟
ومتقوليش لأنه لخبطة إيقاع :)
الصمت احيانا أبلغ
ولكنه أحيانا يؤدى الى الإستضعاف
أحيانا للموت
فيكون ساعتها الصراخ أبلغ
تحياتى
السلام عليكم
تصورك العالم هيبقى ايه بعد كام سنه من الصمت ؟
هو العالم أصلاً غير صامت
و لكن العالم بعد كام سنة من الصمت يتجه إلى جهة من اثنتين
إما صامت متحرك و بالطبع هنا سيكون عالم أكثر حيوية و أكثر تفاعلاً مع معطيات الحياة و أكثر تقدماً نحو العدل المنشود و المفقود
أو يكون صامت ساكن و في هذه الحالة سيكون العالم أكثر احتقاناً و أكثر اختناقا و أكثر انضغاطاً متجهاً نحو النفجار و الفوضى الهدامة
جزاكم الله خيراً أختي الكريمة
و وفقك الله لما يحب و يرضى
و لا أنسى أن أبدي إعجابي الشديد بمدونتكم و بالطرح المُقدم
انا كرهت الصمت بجد خلاص انا فعلا ما بتكلمش بس ما فيش حد بيفضل ساكت طول عمرة انا مؤيد لكلامك لان اللي ربنا كتب عليه انه ما يتكلمش خلقلوا لغة الاشارة وده اضعف الايمان
the manager
مش عارفه والله ... يمكن منعا للاحراج ليا عشان مبيتهيأليش حد هيعجبه الكلام وعشان متبقاش الكومنتس صفر منوره
ويمكن عشان فعلا لغبطه ايقاع ليس الا
الله اعلم
وخلاص حطيت القصيده على البلوج
شكرا
مؤمن
فعلا الصراخ احيانا ابلغ
بس ماذا لو كان المفروض نصرخ ومصرخناش شكل الحياه يبقى ايه ؟
شكرا جدا على المتابعه
dr cool
تصور جميل جدا
جزاكم الله خيرا على التصورين دول
وبايدك فى الاتجاهين دول تماما
شكرا على المتابعه يا فندم
اللهو الخفى
اهلا بيك فى المدونه
اكيد حتى اللى ربنا حرمه من نعمه الكلام وهبله طريقه تانيه للكلام وهى الاشاره
بس ماذا لو حل الصمت وبقاش فيه لاكلام ولاحتى اشاره وفيه قوه بتحركنا لمبغى معين
تفتكر هيبقى شكلنا ايه بعد كام سنه
شكرا جدا على الاهتمام وان شاء الله نشوفك هنا تانى
الموضوع ده جامد جداً ..أخت ياسمسن
و أنا عندى كلام كتيييييير
بس المشكلة إن أنا ح أطبق كلامك
الصـــــمت
لا ماتفهموش غلط
الصمت لغاية ما أنزل أجبيب لهم حاجة ف البيت
و ح أرجع تانى
عموما براحتك
انا بحاول اتابع كلامك وفى انتظار يوم ما تفتحيها للتعليق
وهتكون انشط من البلوج دى إن شاء الله
جزاكى الله خيرا
وفى إنتظار البوست الجديد
البوست دة كتبتيه ومقلتيش حاجة تانى !!!
علشان عن الصمت يعنى :D
جمعاوى روش طحن
كل ده بتجيب حجات
خيييييييييير
على العموم اهلا بيك فى المدونه ... ونورت مبدأيا
سليم
ان شاء الله هخلى فيه كومنتس وربنا يكرمك على تشجيعك
انا الصراح لو محدش بيتكلم و في قوة بتدفعني لعمل شيء يا حاجه من الاثنين هتحصل الولى والله يا ام هعترض و معملش الحاجة و ده متاكد منه بنسبة 90%لان اسهل حاجه انك ما تعملش
اما الحل التاني هعد اخبط و ازاعق و ده اكيد لو حاجة فوق قدرتي و محدش بيسندني و لا بيسعدني و بجد شرفني جدا تعليق علي المدونة بتعتي
Post a Comment