الضمير العربـــى


الضمير العربى

بينما كنت جالسه مع عدد كبير من الضيوف من شرائح عمريه مختلفه واجيال متباعده .... شاهدنا الحلم العربى على شاشة التلفازوكان البعض قد شاهدها من ذى قبل وابدى مدى تأثره واعجابه بهذا العمل الخلاب المبدع بكل معنى للكلمة ... مما دفع البعض الاخر الى الفضول لمعرفة ما هو هذا العمل ... واخذنا جميعا فى متابعة الاوبريت متأثرين جميعا محملين بنفس المشاعر التى يستشعر بها كل انسان يرى بعينيه الظلم والذل والمهانه فى شاشه التلفاز ولا يستطيع عمل شئ انتهى الاوبريت وبدأ صراع الاجيال .... فاخذوا الاباء والجيل المقارب له فى التكلم والتعبير عن ماذا بعد ؟؟؟؟ ايقولون لنا الضمير العربى ... انحن السبب فى كل هذه الاحداث الداميه .... حسنا تأثرنا وبكينا ولكن ما بيدنا حيله ما هو المطلوب منى كشخص عادى ... فليوجهوا خطابهم للحكومه فهى من اضاعت الامه ولسنا نحن الافراد او الشعوب واخذ الجيل المرح او بالاحرى " اللى طالع عينه" وبالتالى اصبح مرح عشان ميبوخش الكلام بالشكوى . اخذ فى التهكم والضحك باستخفاف وترديد نفس الكلام .... تاأثرنا ... وبعد ؟؟؟؟ وأخذ البعض من نفس الجيل المطحون بالتكلم والرد ... نعم الحل بايدينا ... ثم دارت المخانقشة

- الحل فى ايدينا ماهو احنا اللى مضيعين كل حاجه باتكالنا على غيرنا - اتكالنا على غيرنا ازاى بقااااااااا قول يا فالح الحل ازاى -الحل اننا نستغنا عنهم

عم الصمت لبرهه ... وايد احد افراد الجيل الكبير كبير كلام الجيل الصغير ملوش لزمه.... بس بصراحه مأيدش اوى سكت تانى معرفش ليه المهم

- الحل فى ايدينا اننا نستغنا عنهم ... ماهو طول ما احنا بناكل من ايديهم لا يمكن نقلهم تلت التلاته كام ,, ولا يمكن نحاربهم بسلاح هم اللى صانعينه

- ايه الحل المودرن ده ... ها ها ها
- جديده دى يعنى بلاش نحارب وبلاش نرد العدوان بعدوان ويلا نزرع ونفلح
- لا انت معلوماتك سطحيه وماشوفتش اللى احنا شوفناه

- لا اصل فلان لسه صغير " هى هى هى " مشفش اللى احنا شفناه فعلا
- ده اياااااااااااام جمال عبد الناصر مكناش حسين ان فيه حرب ولا حاجه ومحدش كان يجرؤ يلغى التدعيم - يعنى انت لو قالولك فيه حرب دوقتى هتمسك بندقيه وتروح تحارب ( قال يعنى حدق اوى وبيزنقه فى الكلمه ) ما علينا

ده كان مقطع صغير من صراع الاجيال فى موضوع عزه الامه كل واحد بيقول كلمه كانت بتزغزغه فى زوره وخلاص والهدف الترويح عن النفس وخلاص لان من جوانا كلنا شايفين ان الحل فعلا مش فى ايدينا بما فيهم اللى قال الحل اننا نستغنى حقيقتا .... اخذتنى كلمه الحل اننا نستغنى الى اجيال اقدم بكتير من الجيل الكبير وازمنه ابعد بكتير من الزمن اللى عايشين فيه اخذتنى الى غاندى و حربه ضد الانجليز وثورته فى محاوله اطاعم شعبه بايدى هنديه لا بايدى انجليزيه .... ومحاوله الانجليز اضعاف ثورته بتقطيع ايدى اى عامل فى الزراعه استوقنى جمال عبد الناصر والشعب ورائه يتظاهر هنحارب هنحارب ولا حاربنا ولا بتاع ومن بعده انور السادات الذى اخذ فى العمل فى صمت وتحمل اذلال الشعب له والاستهزاء به والاستهوان به لانه كان يعلم ان النصر ات لا محال وانما العمل المخطط هو ما ينقصنا استرجعت باكيه ذكريات رفيق الحريرى الشاب البسيط الذى سافر للعمل واجتهد واجتهد ثم عاد لوطنه ليشيد ويبنى ما دمرته نيران الحرب ... ياله من مجهود ان يرمى بذور الحريه والنهضه والعزه فى ارض اذلتها الحرب وكثير وكثير نعم الحل فى ان نستغنى ... ان نطعم انفسنا المشكله ان جميعنا عندما يتحدث عن الحل يتحدث عن الزمن القصير عن اليوم عن السنه القادمه ... ولا يمكن رمى اثقال فوق كتف شيخ واهن القوى الحل لا ياتى فى خطوه ... فى كلمه ... الحل يأتى بعد الحل ... ان كنا نريد تحريرا ... فعلينا ان نتحلى بمقومات التحرير ان كنا نرفض الاذلال فعلينا اان نعز انفسنا لا ان ننتظر من صفعنا على وجوهنا ان ياتى لنا بتاج العزه الغريب انى مازلت ارى كل لحظه فى وجوه الناس بما فيهم من يرى ان الحل فى الاستغناء نظره ولكن !!!!! نظره غريبه كئيبه نظرة عدم تصديق

لا اقول خطاب تحميسيا ... ولا احاول ان اكون ثورجيه ... ولكنى اتسائل هل حقا ان صدقنا انفسنا ان على المستوى الشخصى لو كنت اريد ان اعمل من اجل نصرة الله ورسوله , واخذت فى التخطيط لمستقبل ناجح مستقبل ان حقق كما خطط له سيكون خطوه فى اطعام انفسنا ... هل اكون بذلك قد شاركت فى نهضه الامه ... فى عزه الامه ؟؟؟؟ ام يجب على ان اقول لا حتى وان فعلت هذا فيبقى الحل فى يد احد اخر غيرى ... وان مجهودى ضاع لانى لست مسؤوله عما يحدث فى ارض وطنى ؟؟؟؟ اهذا هو السبب وراء يأسنا وعدم التصديق ان الحل بايدينا نحن الشعب العادى ؟؟؟؟

13 comments:

بالله المستعان > رؤية said...

نقطة التاثير
اوثر في نفسي
اوثر في اصدقائي
نؤثر في مجتمعنا الصغير
فنؤثر في مجتمعنا الكبير
فنوثر في وطننا
ويؤثر وطننا في العالم

الحل يأتى بعد الحل
وللحل تدرج يتم به



جاااااااااااااامده يايااااااااااااااسو

حراس الحقيقة said...

الحل يأتى بعد الحل ... وللحل تدرج يتم به
انتى اللى جامده يا سالى

The Manager said...

قرأت الموضوع
وبصراحة جميل قوي
وقريب من تفكيري
بس انا دماغي اتلخبطط فى اليومين دول فمش بقيت عارف الشعب عايز إيه اصلا


طبعا دة مش تعليق
دة بس بحجز مكان وهاجي اعلق تاني بإذن الله بس اقلب الموضوع فى دماغي لأني شوفت البوست للأسف متأخر

المهم ويلكم باك لعالم التدوين
والتدوين نوّر بإبداعاتك واسلوبك إللي ..
جامد جدا :D

بجد والله

المهم هرجع تاني إن شاء الله

وفي حاجة احب اقولها علشان قلبي يبقي صافي من ناحية المدونة بتاعتك :

انا كرهت جملة (الدين الميزان ام الموزون ) من كتر ما شفتها
:(

حسن ارابيسك said...

حراس الحقيقة
رجعه حميده إن شاء الله
عاوز أقول كل اللي كتبتيه ده من غير ماتتعبي نفسك تحت أي تصنيف تضعين نفسك
فأنت تكتبين من واقع إنتمائك ومن واقع وطنيتك ومن واقع غيرتك على هذا الوطن ومن واقع حزنك الشديد وما يحدث لناسه الطيبين أه واللهي طيبين شعب مصر ده شعب غلبان قوي وطيب وصبور ومفيش شعب زيه تاني أبداً على الخريطة بالمعنى الحرفي
الانسان لما بيكون بيحب حد ويكون شايف حاله لا يسر عدو ولا حبيب بيحزن عليه بالطبع وبيعقد يفكر في حاله وفي الأسباب التي ادت بيه الي هذا الوضع ويفكر في حل للورطه دي ويفكر في أقرب ناس مخلصة ممكن تقف جنبه في المحنة ويبدأ يجرى يندهلهم ويقول لهم إيديكم معايا ناخد بإيده ونقومه من تاني علشان يعرف يقف على حيله ويمشي من تاني لقدام مش لورا

تحياتي لقلبك الموجوع
وقلوب كتيرة موجوعه بتحب بلدها
حزين عليكي يامصر
وحزين على ولادك
وفين خيرك يامصر
مابين إيدين أغرابك
حزين على بلدي وناسي
وكل مصري بيقاسي
قلبي فاكرهم مش ناسي
حزين عليكي يامصر

كتير كتير صانوكي
في القرب وفي البعاد
وكتير كتير ظلموكي
وداسو على العباد
حزين على الضمير الغايب
وكل فقير ماله نايب
ولأخر عمري فيكي دايب
حزين عليكي يامصر

حراس الحقيقة said...

the manager
ماشى ياريس مستنياك

حراس الحقيقة said...

حسن ارابيسك
مش هقول غير الله على اكلام الجميل
منور

The Manager said...

نستغنى عنهم ؟
الفكرة جميلة قوي
وزي ما اشارتي انها سبق تطبيقها زي ما غاندي عمل ..إلخ وعموما في ناس كتير بتعملها على النطاق الشخصي
يعنى واحد والده متسلط عليه ومضايقه والأبن مجبر انه يسمع كلامه لأن هذا الأب هو إللى بيصرف على الواد فبيضطر انه يعتمد على نفسه ويستغني عنه ويشتغل ويكسب ويصرف على نفسه ويحصل على حريته :)

جميل جدا بجد
ولو بنتكلم على فرد واحد عايز يتستقل ويستغني عن الأخرين .. يبقي الأمر سهل لأنه يكفيه الإرادة بتاعته بس
يعنى انا عايز استغني ... هشتغل واصبر واتحمل شوية لأني دة هدفي ولازم اسعى لتحقيقه و(بعد توفيق ربنا) الموضوع بيتحقق.

لكن بنتكلم عن مجتمع بأكمله عايزينه يستغني .. عن وطن كامل
اعتقد ان اول حاجة مطلوبة هي توحيد الهدف دة اولا يعنى ان دي تكون إرادة الشعب كله
كله يكون عايز يتغير وعايز يستغني علشان يحسن نفسه
ويكونوا بس بيدوروا على الطريق دة ..فأدلهم عليه ونمشي فيه سوا.
-----------------
للأسف بقي الواقع اكتشفت انه مش كدة
كله بينقض حال البلد وحال الوطن العربي وبينقض فى كل حاجة يشوفها
وكله بيذكر انه مظلوم ومفترى عليه ..إلخ
لكن لما تقوله طيب يلا نستغني ونفارق الناس دي ونجتمع على الخير ونتعاون ونجتهد علشان نحصل على الحرية ونحسن وضعنا ... مش هييجي معاكي !!
عارفة ليه ؟
لأنه كله من تحت لتحت بيستفاد من الوضع دة وبيصطاد فى المية العكرة برضه
يعنى المستورد إللى بيصرخ من ارتفاع اسعار الجمارك والضرايب وانه مظلوم ومبيكسبش
هو من تحت لتحت عايز الحال يفضل على ما هو عليه لأنه بيبيع بالسعر إللى هو عايزه وبيدفع ضرايب إللى هو عايز يدفعها بس ... بفضل نظام الرشوة اللى ماشي فى البلد
وانتى بتقوليله هنمشي مظبوط ...
يعنى هيبيع بسعر قليل ومكسب قليل
وهيدفع الضريبة كلها !!
ويعلي مرتبات الناس إللى شغاله معاه علشان هما كمان يديهم فرصة يشموا نفسهم
وهيضطر يأمن على حياتهم كمان !!
اكيد هيقولك لا يا عم خليه زي ما هو
انا كدة مرتاح اكتر :)

وواحد تاني بائع وبيشتكي ومظلوم وبتاع ونفسه يتحسن
لكن هتقوليله يمشي مظبوط !!
هيقيسها : هو مظلوم فى 10000 مثلا طب ما هو بياخد زيادة 20000 فى التجارة فى البضاعة المضروبة ..كدة احسن

دي بقي اسمها الغفلة
والنوم

هتلاقي ان اول خطوة هي اليقظة
لأن مستحيل اكلم واحد نايم ويسمعلي ويفهم انا عايز إيه

لازم اني اصحي الناس اللي مش دريانة ومرتاحة ان البلد موفرة لهم مشاهدة ماتشات الكورة والتظاهر فى الشوارع بعد كل ماتش كورة وبرامج كورة فى التلفزيون والراديو وكل حتة ومبسوطة على كدة !!
الناس إللى ماشيين بمدأ الغاية تبرر الوسيلة وعايزين يشبعوا رغباتهم بأي وسيلة ومفيش اى مبدأ ولا قيم ولا حلال وحرام ولا الكلام دة
------------------------
هتلاقي ان حتى لو عرفتيهم الحلال إيه والحرام إيه ... مش هتفرق معاه ... لأنه اصلا عارف الكلام دة ... وإللى مكانش عارف بقي عارف زي إللى عارفين وخلاص وشغال زي ما هو !!!
-------------------
لازم نفوق ونعرف ان في دنيا وفي اخرة وان مفيش وقت وان في حاجة اسمها اخلاق وضروري اني مش افكر فى نفسي بس وابقي زي الحيوانات باكل إللى انا عايزه وخلاص
واربي الناس إللى مش متربية اصلا
(سوري فى اللفظ)
وبعد كدة يعرفوا يعنى إيه حلال وحرام
وضرورة اننا نتعاون
وادلهم على الطريق
فيكون الطريق موافق لهواهم
ما هو بينفعش اجي اقول لحد على فكرة الطريق لميدان التحرير من هنا ...وهو اصلا مش عايز يروح ميدان التحرير
-----
في ناس كتير اصلا مش عايزة تصحي , عايزة تنام وتفضل كدة كالأنعام او اضل سبيلا
هيصحوا إن شاء الله
إن شاء الله
لكن انهم يستغنوا دلوقتى كدة على حالهم دة !! اعتقد لسة بدري قوي على الشعب انه يمشي فى الطريق دة

اعتقد والله اعلم
وربنا يهدي من يشاء
وهو القادر ان يغير من حال إلى حال في لحظة إن شاء

واسف قوي قوي اني فتحت وسرحت وطولت قوي فى التعليق
بس اصل النقطة دي شغلتني كتير من فترة كدة بعد كدة لـ ...

كفاية كدة يا ستى علشان دمي ميبقاش تقيل قوي

ضد الظلم said...

التغيير لابد ان نغير ولو بكلمه انا من عشاق ناصر ولن اتكلم عن مافعل
ليس هذا وقت النقاش
لابد ان نصنع بايدينا لابد ان ناكل بايدينا لابد ان نعتمد على انفسنا نحن الان اصبحنا فى عصر الغناء فقط

تحياتى

ا بـن عــمــر said...

ندعوكم لحضور حفل زفاف (ابن عمر) وذلك يوم الخميس 29/5/2008 فى قاعة الأفراح بنقابة التطبقين بشبين الكوم وذلك عقب صلاة العشاء

ضد الظلم said...

السلام عليكم
اين انتم من فتره
جئنا للاطمئنان
امضاء
السيد ابوالعربى
رئيس جمهوريه بورسعيد

حراس الحقيقة said...

سليم
السلام عليكم ورحمه الله
بعتذرلك على ردى المتأخر جداااااا وعدم زيارتى مدونتك بانتظام
جزاكم الله خيرا لمشاركتك

حراس الحقيقة said...

ابن عمر
مبارك الزواج وان شاء الله تكون ايامك سعيده
:)

حراس الحقيقة said...

ضد الظلم
ادعو لى اخلص الامتحاناااااااااات عشان اعرف اتابع المدوناااااااات بقاااااااا

There was an error in this gadget