واخييييييييرا زست


الحريه
ان سألتك يوما ان كنت من مؤيدى الحريه ام معارضها ؟؟؟ لا اعتقد ان الاجابه السليمه او الدقيقه ستكون فى اختيار احدى الخيارين لانى لا اعتقد ان الحريه بتلك البساطه التى اذا ذكرنا الكلمه ذكرنا مفهومها لكل منا له منظوره فى الحريه .... ولكل منا على اساس مفهومه يؤيد او يعارض الحريه سمعنا من قبل مقوله ان الحريه تكمن فى اتباعنا القوانين واقاويك كثيره فى ان الحريه تكمن فى تحطيم القيود المعنى بها القوانين ويظن البعض ان الحريه هى فى احقاق الحقوق ويأتى البعض بحقوق غريبه لا تنسب للحق وفى النهايه نجد فى قنوات التليفزيون صراعات ومناقشات وخناقات تدور حول تأيدنا للحريه او معارضتنا اياها

ويظل السؤال ما هى الحريه ما مغزاها ؟؟

وحقيقتا لم ادرك معنى دقيق للحريه حتى وجدتها تختفى من حياتى رويدا رويدا حتى وجدت روحى تختنق بالنصائح والمناقشات والجدال حول ماذا اريد ... وهل ما اريده يعد من الصواب فعله ام جريمه لا تغتفر حتى وجدت انى مهدده فى كل لحظه بان اقول نعم او لا ... بنائا على انى لست شخصا مسؤول ... لان اخطائى لا تدل على انى شخصا مسؤول
ولكن ؟؟؟؟ هل معنى ذلك ان اضع ارادتى ورؤيتى واحلامى وسعادتى على رف الذكريات واتبع من تدل اعمالهم على انهم صفوت القوم فى الصواب والخطأ ؟؟؟
ووجدت كثيرا ممن هم حولى يتوقعون منى ان ابتعد عن تحقيق ما اريد تاره بالنصيحه وتاره اخرى بالتهدبد والوعيد وسألت نفسى مما اخاف ؟؟؟ اخاف من انسان يظن انه يستطيع اذيتى والحقيقه انه نسى ان يقول باذن الله؟؟
انه حقا وصدقا وعدلا لن يستطيع ان يأذينى بشئ الا باذن الله
ورأيت انى وقعت فى دوامه السمع ... كلا له رأى يحترم ... وكلا له خبره يعتد بها ... وكلا عنده ما يقول .... الا انا وتسائلت من من الناس يمتلك عناصر حلمى كامله الا انا ... من منهم يمتلك الدرايا الكامله ؟؟؟


واخيرا وجدت حريتى ... واحمد الله انى وجدتها فى تلك الايام قبل دخول رمضان

وجدت حريتى ... فى ان الاراده هى نبض الحياه
الاراده فى ان اختار ... ان ابحث ... ان اضع رؤيه لاجدها تتحقق غدا ووجدت حريتى فى ان افعل ما اريد ... مراعيتا الله ربى لا مباليه سواه بحدود شرعها الله ... فدائما ما امنت بان "حريه اصبعك تقف عند عينى" ووجدت حريتى فى ان السعاده ليست فى اختيار الصواب والبعد عن الخطأ .... فالصواب والخطأ كثيرا ما يكون من صنعنا ... فلا قاعده ثابته له ووجدت حريتى ان لا اخاف غير الله ... حتى وان هددت .... فخطأى لم يكن تفريط الا فى حق الله ... وتوبتى لم تكن الا بين يدى الله وحريتى تكمن فى اتخاذ قراراتى واختياراتى ... طالما انى تأكدت من انى سمعت وفهمت واستفدت من خبرات واراء من حولى ... ولكن القرار النهائى قرارى حريتى فى ان ارى ايجابيات الامور واحمد الله فى كل الاحوال واسعد بما رزقنى اياه الله لا ان ارضى والسلام حريتى ان ارى كل جمال حولى كنز كبير لا يقدر بثمن حتى وان بخث ثمنه حريتى ان اسلك طريقا اتيمن من وراءه السعاده وصلاح الحال

واخيرا حريتى فى ان اعبد الله ولا ابال بالناس بما يريدون وكيف يقيموننى وهل انال اعجابهم ام انهم لا يبالون لامرى شيئا ... لا اقول بان اكون فظه غليظه مع غيرى بل اقول ان اكون لطيفه محبه مرحبه بكل من حولى حتى من كرهت ولكن وانا متيقنتا بان فى النهايه قصه حياتى لا ابطال فيها غيرى ومن هم اثروا فى حياتى حتى ولو بالقليل

حره ؟؟؟


نعم انا حره ... لانى اخيرا وجدت ما اريد ... قيم ومعان شكلت حياتى
فلا يملك مصيرى .. ماضى حاضرى مستقبلى غير الله ... فممن انتظر اعطائى حق الحياه ؟؟

26 comments:

my24434 said...

السلام عليكم
اولا:
سعيد جدا بعودة حضرتك
ثانيا:
اول مرة اشوف الديزاين الجديد بتاع المدونة
و هو جميل فعلا
و مختلف عن كل مرة
ثالثا:
مبروك تحطيم القيود
و تحديد رؤية حضرتك و اتجاهك :)

رابعا و اخيرا:
كل سنة و حضرتك طيبة بمناسبة رمضان
ربنا يتقبل و يعين حضرتك ان شاء الله على الطاعة
:)

حراس الحقيقة said...

ماااااى
وعليكم السلاااااام ورحمه الله وبركاته
الحقيقه مصدقتش انك اول تعليق ومتتخيلش ده فرحنى اد ايه
شكرا جدا على تعليقك عندى يا محمد ومش عرفه ان كنت صح ... هو انت عملت مدونه ؟؟
اصل جيت ادخل معرفتش .. فمش متأكده من انك عملت مدونه
بس لو دى حاجه حلوه جدا بعد التفكيييييير ده كله
اعانك الله وتقبل خالص نواياك
وحضرتك طيب يا كبير
السلام عليكم

FloNa said...

السلام عليكم
:)

معنى جميل بالذات انك في الاخر توصلتي لحل بطريقة تلقائية مشهدة بعد ما كنتي نقلتينا للحيرة الشديدة فعلا في معنى الحرية

كنت عايزة اقول لا تنسي الاستشارة برضه مهما كان احنا خبرتنا اقل من غيرنا
ولكن اتركي القرار لك وحدك



والاستخارة حل لجميع تلك الامور
:):):)

جمعاوي said...

السلام عليكم ياسمين
بوست جامد جدا والله وربنا يا رب يكرمك
-: وأكتر حاجة تشد جملة
الاراده هى نبض الحياه

نعم والله والإرادة هى طريقنا للحرية

ألف مبروك عليكي حريتك

وربنا يبلغك رمضان

ودمتى لنا بخير
وتقبلى مرورى
ويلا سلام

حراس الحقيقة said...

flona
منوره يا جميله
اكيد طبعا الاستشاره مهمه جدا ... بس كنت بتكلم على ان لما تكون الاستشاره هى مجرد نصيحه والطرف المستشار عارف ان القرار قرارك
بس لما تكون الاستشاره هى تجريد من الاراده والثقه بالنفس ... وتكون لمجرد ان المستشار شايف انك متقدريش تخدى قرارك لمجرد انك متقدريش ولانه افهم منك بمراحل ... ساعتها بتبقى سلب للحريه
نورتينى تانى يا جميله
سلام

حراس الحقيقة said...

جمعاوى
منور المدونه
وشكرا جزيلا على مرورك .... والله يبارك فيك .... كفاره :D
اتمنى انك تنورنى تانى بزيارتك
والسلام عليكم

بنت أبيها said...

يادانه في البحور

يازهره بين الزهور

أهنيك بقرب رمضان

زينة الشهور

حراس الحقيقة said...

بنت ابيها
وكل عام وانت بخير يا جميله
شرفتينا

جمعاوي said...

السلان عليكم

مؤيت بس اقول رمضان كريم

ووحشنا بوستاتك

يلاسلام

حراس الحقيقة said...

جمعاوى
ماشى كلامك ... ان شاء الله قريب هنزل بوست ... ربنا كريم

العاشق....محمد على said...

السلام على من اتبع الهدى
ياسمين ازيك عاملة ايه فينك يابنتى الفترة ديه كلها انشاء الله تكونى بخير , كل سنة وانت طيب ورمضان كريم
بوست هايل وجميل اهم مافيه ان الحرية تخضع للقيم الربانية وده طبعا مينسيناش اننا نستشير اهل الخبرة واوعى احلامك تضعيها على الرف حددى اهدافك واسعى لتحقيقها والتوفيق من عند الله "من عمل صالحا من ذكر او انثى وهو مؤمن فلنحيينه حياة طيبة ولنجزينهم اجرهم باحسن ما كانوا يعملون" صدق الله العظيم

الا تنسينا من صالح دعائك فى رمضان

على خير نلتقى ........والله ولى التوفيق

رؤية said...

السلام علي من اتبع الهدي
هعلق
حتي لو حس حد ان تعليقي خارج الموضوع
حريه بقي

لا لا مش دا قصدي
بس انتي فاهمه قصدي

هل الحريه اني اعمل اللي انا عيزاه
وانا اللي احرب
وان الصح هو اللي انا شيفاه صح والغلط هو اللي انا شيفاه غلط

هل اني اعمل اللي انا عيزاه
لاني انا عيزاه
مش لان اللي انا عيزاه دا صح

بصي ياياسمين
ممكن اكون عايزه اروح كافي شوب
والكافي دا مش محترم اوي + اني نازله اشرب شيشا اصلا
ونفرض برضو ان ماما منعتني هل هي كدا قهرتني

يعني هل الحريه هي ان يكون الانسان مسئول عن افعاله؟
وله ان بس تكون افعاله من دماخه؟
واللي يحصل يحصل بقي

مش عارفه
قدرت اوصل وله لا؟

حراس الحقيقة said...

العاشق محمد على
اهلا بيك ونورت بجد المدونه
انا بخير الحمد لله .. عساك انك تكون بخير
شكرا وربنا يكرمك على نصيحتك واسالك الا تنسانى من دعائك

حراس الحقيقة said...

سالى
ازيك ... ما بدرى يا هانم
هل الحريه اني اعمل اللي انا عيزاه
وانا اللي احرب
وان الصح هو اللي انا شيفاه صح والغلط هو اللي انا شيفاه غلط
قبل ما تكون الحريه هى اللى انى اعمل اللى انا عايزاه ... لازم نحدد انى اصلا اعمل اللى عيزاه صح ولا غلط بشكل عام
هو انت يا سالى بتعملى اللى انت عايزاه ولا مجرد ماشيه على كلام حد انتى واثقه فى تفكيره
اقولك ؟؟ لا ده ولا ده
هل اني اعمل اللي انا عيزاه
لاني انا عيزاه
مش لان اللي انا عيزاه دا صح
بيختلف انتى عايزه ايه اصلا
مش كل اللى صح صح ومش كل اللى غلط غلط
متقدريش تعممى المواقف
حتى فى الحلال والحرام
الحلال حلال فى كل المواقف الا الستثناء والحرام حرام فى كل المواقف الا الاستثناء
والغريب ان سعات الحلال بيختلف من موقف لاخر
فمتقدريش تسبقى بقاعده فى الجزئيه دى لان سعات الصح بيكون حكمه بالنسبالك لانك الوحيده اللى تعرفى الفعل ده هيوصلك لايه وجنون بالنسبه للى حوليكى لانهم ابعد ما يكونوا عن معرفه اصلا انتى عايزه ايه
لما تكونى اصلا عارفه انك هتعملى اللى انتى عايزاه بشرط انك مش هتغضبى ربنا لا بتعديكى على حق غيرك وال حتى على حق نفسك اولا
مش هتروحى الكافيه عشان تبعدى عن الشبهات
ثانيا مش هتشربى شيشه
ثالثا المسأله مش مسـأله عند انى عايزه ده يبقى هو ده ... لو امى منعتنى اروح كافيه ... حتى ولو مش مقتنعه هروح كافيه تانى .. خلاص يعنى مضاقتش الدنيا مش هيأثر على الهدف الاساسى انى عايزه اخرج واتبسط
ولو عممتى الموضوع او كبرتيه ... هتلاقى ان دايما فيه حل وسط ... هى عشان متبقاش قهرتنى لازم انا اقهرها ؟؟
المسأله مش جرى ورا مزاج او حاله ... المسأله اكبر بكتير ... تدخل الناس فى قراراتك اللى انتى اصلا وخداها عشان سنين قدام محدش شايفها غيرك لانها ملكك
المساله ان الحريه مش هدف بنسعاله على اد ما هى وسيله او اسلوب حياه

Beram ElMasry said...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

منة الله said...

أهلين ياسمين ..

ولكم باك يا جميلة ..

بجد وحشاني كتير جداً





مممم الحرية ..

بصي انا مقتنعة بالمقدمة اللي انتي قلتيها

اللي مغزاها انه مش مهم تعريف الحرية المهم التطبيق

فبما انك قعدتي تعرفي الحرية من وجهة نظرك ..

فانا هقولك المهم التطبيق

:D

قصدي ممكن نتفق في التعريف و تختلف تطبيقاتنا

لكن لو على التعريف

صح الصح

حنين ... said...

في عباره عجبتني اوي في كلامك وهي ان الحريه نبض الحياه
فعلا ربنا عزوجل خلقنا احرار وحددلنا طريق مستقيم لنسير عليه
فمادمتي تسيري علي الطريق المستقيم من وجهه كما ترين فسيري ولا تبالي بأحد
مبروك علي الحريه بتمني اخد الخطوه دي قريب
اول مره ازور مدونتك اتمني اكون ضيفه خفيفه

ضد الظلم said...

الحريه فى نظرنا تختلف عن انظار من حولنا كل واحد شايف الحريه بطريقه والقانون اتحط عشان تحجيم الحريه
بس الحمدلله انك عرفتى وفهمتى حريتك فين ومع مين ونعم
كل عام وانتم بخير
عيد سعيد
ابوالعربى

حراس الحقيقة said...

بيرم المصرى
نورت المدونه واكيد بحب الشعر العربى
كل عام وانت بخير

حراس الحقيقة said...

منننننننننننننننه
مش ممكن مش مصدقه
بصى انا قريت تعليقك من فتره وكل لما اجى ارد اقول طب استنا شويه عشان يمكن الاقى اضافه تليق بمنون
بامانه يا منه لسه مش واصلى انتى مقيده الكلام ولا معارضاه ... بس الفكره ان فكرت التنفيذ هو الاهم ... معاكى جدا فى كده
معاكى حق ... ما هو الكلام على الحريه والمبادئ والقيم والقوانين واساليب الحياه كتير جدا
بس الفكره ان ممكن يكون المبدئ تحفه ولما يتنفذ يبان عيوبه ويبان وجهت نظر صاحبه اللى احنا مكناش فهمنها وقت ما كان بيقول وبنأيد
وممكن العكس نعارض ونشجب وندين ... ولما ينفذ نلاقى ان الكلام اللى بيقوله هو عين العقل
سواء بشكل عام او بشكل خاص
نورتى يا منون وكل سنه وانتى طيبه يا جميله

حراس الحقيقة said...

حنين
ضيفه خفيفه ومنوره طبعا
وشكرا يا جميله على الزياره ماسفه على التاخير فى الرد
كل سنه وانتى طيبه

حراس الحقيقة said...

ضد الظلم
اتمنى انى اكون فعلا لقيت حريتى بجد واتمنالك نفس الشئ
كل عام وانت بخير يا باشا

No NaMe said...

سلام عليكم

والله عمال ادور على الناس اللى عرفتهم بتدويناتهم الجميله اول ما بدات تدوين
وتعبت جدا على ما وصلت

ازيك يا ياسمين
يا رب تكونى بخير

بجد تدوينه رائعه ووجهه نظر تستحق كل احترام عن الحريه

اعانك الله على الخير

دمتى بودى

belbesy

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب

Anonymous said...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر الفين وأربعة قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

www.ouregypt.us

There was an error in this gadget